ထိုင်းအစိုးရက လစာနည်း အလုပ်သမားများ ကို ငွေကြေးထောက်ပံ့ ကူညီ

လစာနည်းအလုပ်သမားများအတွက် ထိုင်းအစိုးရ က ငွေကြေးကူညီထောက်ပံ့သော ဘတ်ငွေ ၂၀၀၀ ချက်လက်မှတ်

-မြတ်စိုး-
၀၃-၂၅-၂၀၀၉

ဒီနေ့ ထိုင်းအစိုးရက တလ ၀င်ငွေ ဘတ်ငွေ ၁၅၀၀၀ အောက်ရရှိပြီး၊ ထိုင်းလူမှုဖူလုံရေးဌာန ( Social Security Office) မှာ မှတ်ပုံတင်ထားကြတဲ့ လစာနည်း ထိုင်းအလုပ်သမားများအတွက် ဘတ်ငွေ ၂၀၀၀ ချက်လက်မှတ် တွေကို ထုတ်ပေးလိုက် ပါပြီ။ ကမ္ဘာ့စီးပွားရေးအကျပ်အတည်း ကာလအတွင်း လစာနည်း ၀န်ထမ်းများ ခံစားနေရသော ဒုက္ခအခက်အခဲ တွေကို ငွေကြေးထောက်ပံ့ ကူညီတဲ့အနေနဲ့ ငွေချက်လက်မှတ် အစောင် ၅ ဒသမ ၅၄၇ သန်း ကို ဘန်ကောင်ဘဏ် ကနေတဆင့် ထုတ်ပေးလိုက်ကြောင်း၊ ထိုင်းဒုတိယ ၀န်ကြီးချုပ် Kobsak Sabhavasu က ကြေညာသွားပါတယ်။

ဝေလံတဲ့ နေရာတွေ နှင့် တချို့ အနယ်နယ်အရပ်ရပ်ရှိ လူမှုဖူလုံရေးဌာနမှာ အချိန်မှီ မှတ်ပုံတင်ရန် နောက်ကျခဲ့ ကြတဲ့ အလုပ်သမား ၁.၂ သန်းအတွက်လည်း မတ်လ ၂၉ ရက်နေ့မှာ လက်ခံရရှိသွားမှာ ဖြစ်ကြောင်း၊ တကယ်လို့ ထောက်ပံ့ကြေးငွေ ဘတ်ငွေ ၂၀၀၀ ချက်လက်မှတ်တွေကို မရရှိလျှင် ဖုန်းနံပါတ် ၁၅၆၄ ကို ခေါ်ဆို မေးမြန်းစုံစမ်းနိုင်ကြောင်း အစိုးရ က တရားဝင်ကြေညာချက်ထုတ်ပြန်ခဲ့တယ်။ ဒီထုတ်ပြန်ကြေညာချက်တွေကို ရေဒီယို၊ ရုပ်မြင်သံကြား၊ သတင်းစာတွေကနေတဆင့် ပြည်သူတွေကို အသိပေးခဲ့တယ်။

ဒီချက်လက်မှတ်တွေကို မတ်လ ၂၆ မှ ဧပြီလ ၈ ရက်နေ့ အတွင်း မရရှိခဲ့လျှင် ထိုင်းအစိုးရလူမှုဖူလုံရေးဌာနမှာ လာရောက် ထုတ်ယူနိုင်ကြောင်း၊ ဒီချက်လက်မှတ်တွေကို ဇွန်လ ၁၅ နောက်မှစ၍ သက်ဆိုင်ရာဌာနမှာ လာရောက်လဲလှယ်နိုင်ကြောင်း၊ နောက်ကျလဲလှယ်တဲ့ ချက်လက်မှတ်များကို ပြဿနာ တခုချင်းအနေအဖြစ် လေ့လာစဉ်းစားဆုံးဖြတ်သွားမည်ဖြစ်ကြောင်း ထည့်သွင်းပြောဆိုသွားပါသည်။

ထိုင်းအစိုးရဟာ လစာနည်းဝန်းထမ်းများ ငွေကြေးထောက်ပံ့ မှုကို ထိုင်းနိုင်ငံ နှစ်သစ်ကူးမတိုင်ခင် စီစဉ်ပေးခဲ့ပြီး၊ ဒီထောက်ပံ့မှု ငွေကြေးဟာ နှစ်သစ်ကူးကာလအတွင်း ငွေကြေးသုံးစွဲမှု၊ ငွေကြေးဈေးကွက်၊ အရောင်အ၀ယ်ဈေးကွက်အတွင်းမှာ ငွေကြေး နှင့် သုံးစွဲမှု ပုံမှန်လည်ပတ်စေမှု ကို တွန်းအားပေး စေနိုင်တဲ့ အစီအစဉ်ကောင်းတရပ်ဖြစ်တဲ့အပြင်၊ ပြည်သူတွေကလည်း အစိုးရအပေါ် ထောက်ခံလာစေနိုင်တဲ့ အချက်ကောင်းဖြစ်စေတယ်လို့ ထိုင်းနိုင်ငံစီးပွားရေးကို လေ့လာနေတဲ့ မြန်မာစီးပွားရေးပညာရှင်တွေက တွက်ဆပြောဆိုနေကြတယ်။

ထိုင်းနိုင်ငံမှာ ကမ္ဘာ့စီးပွားရေးကပ်ဆိုးကြီးအတွင်း အလုပ်သမား ၂ သန်းနီးပါး အလုပ်အကိုင်ဆုံးရှုံးနေကြပြီး၊ စီးပွားရေးကို ပြန်လည်နလံထူလာနိုင်အောင် စီးပွားရေးကျားကန်မည့် အစီအစဉ်တွေကို အားသွန်ခွန်စိုက် ကြိုးပမ်းနေကြပါတယ်။ ထိုင်းနိုင်ငံမှာ ၂၀၁၀ -၂၀၁၂ ခုနှစ် အတွင်း ထိုင်းဘတ်ငွေ ၁.၅၆ ထွီလီယံ သုံးစွဲဖို့ ထိုင်းစီးပွားရေးစီမံကိန်းရေးဆွဲနေကြတဲ့ ၀န်ကြီးများက ဒီနေ့ပဲ သဘောတူ အတည်ပြုခဲ့ကြတယ်။ ဒီ ထိုင်းဘတ် ငွေ ၁.၅၆ ထွီလီယံ သုံးစွဲမည့် စီးပွားရေးကျားကန်ပေးမှုအစီအစဉ်ဟာ GDP ကုန်ထုတ်လုပ်မှု စွမ်းအား ၅ ရာခိုင်နှုန်း တိုးမြင့်လာမှာဖြစ်ပြီး၊ ၃ နှစ်အတွင်း အလုပ်သမား ၁ ဒသမ ၆ သန်းကို အလုပ်အကိုင်တွေ ပြန်လည် ရရှိလာကြလိမ့်မည်လို့ ခန့်မှန်းတွက်ဆခဲ့ကြတယ်။

စစ်ပွဲမရှိတော့တဲ့တိုင်းပြည်မှာ မှိုလိုပေါနေတဲ့ မြန်မာစစ်ဗိုလ်ချုပ်များ ဟန်ရေးပြနေပုံ

ကျနော်တို့ အိမ်နီးချင်းနိုင်ငံတွေမှာ သူတို့ တိုင်ပြည်ရဲ့ စီးပွားရေးကို ကမ္ဘာ့စီးပွားရေး အကျပ်အတည်းမှ အမြန်လွတ်မြောက်အောင် နေ့မအား ညမအား အကောင်အထည်ဖော် လုပ်ဆောင်နေတဲ့အချိန်၊ သူတို့ပြည်သူတွေ ရင်ဆိုင်နေရတဲ့ ဒုက္ခတွေကို ငွေကြေး နှင့် အခြားအကူအညီပေးရေးအစီအစဉ်တွေကို ဆောင်ရွက်နေတဲ့အချိန် မှာတော့ မြန်မာပြည်မှာ မှိုလိုပေါနေတဲ့ စစ်ဗိုလ်ချုပ်တွေကတော့ စိတ်ကူးယဉ် နေပြည်တော် ကြပ်ပြေး မှာ ဘုရားထီးတင်လိုက်၊ စစ်ရေးပြအခမ်းအနားတွေ လုပ်ဖို့ စစ်ဆေးလိုက်နဲ့ သတင်းစာတွေမှာ ဝေေ၀ဆာဆာဖော်ပြနေလိုက်တာ အင်မတန်မှ ရှက်စရာလည်းကောင်း၊ ၀မ်းနည်းစရာလည်း ကောင်း ပါတော့တယ်။ နေပြည်တော် ကြပ်ပြေးသင်္ချိင်းကုန်းအရေးက တိုင်းပြည်အရေးထက် ပိုအရေးကြီး နေကြတယ်ဆိုတာ ဆင်းကြီး ကို လယ်ကွင်းပြင်မှာ ထင်းထင်းကြီး တွေ့နေရသလို မြန်မာပြည်သူတွေကတော့ သိရှိနေကြပါပြီ။

ထိုင်းအစိုးရ၏ စီးပွားရေးကျားကန်မှုအစီအစဉ် နောက်ခံသမိုင်း

ထိုင်းအစိုးရက လစာနည်းဝန်ထမ်းများကို ငွေကြေးထောက်ပံ့ပေးနေမှုဟာ ထိုင်းနိုင်ငံရဲ့ စီးပွားရေးပြန်လည် နလံထူလာအောင်နှင့် ကမ္ဘာ့စီးပွားရေး အကျပ်အတည်းကာလအတွင်း ပြည်သူများ ရင်ဆိုင်နေရသော အခက်အခဲများကို ကူညီဖြေရှင်းပေးနေတဲ့ စီးပွားရေးကျားနေမှု အစီအစဉ်ထဲက တစ်ခုပါ။ ထိုင်းအစိုးရရဲ့ စီးပွားရေးကျားကန်မှု အစီအစဉ်တွေကို အသေးစိတ်သိအောင် စာဖတ်သူများ ထပ်မံဝေမျှပေးပါတယ်။

ထိုင်းနိုင်ငံမှာ ၀န်ကြီးချူပ် အဘီဆစ်ခေါင်းဆောင်သော အစိုးရက ကမ္ဘာ့စီးပွားရေး ကပ်ဆိုးကြီး ရဲ့ အကျိုးဆက်တွေကို ရင်ဆိုင်ဖို့ နှင့် ထိုင်းစီးပွားရေးကျားကန်ပေးမဲ့ အစီအစဉ်ကို အမေရိကန် ဒေါ်လာ ၈.၇ ဘီလီယံ ကို သုံးစွဲဖို့တင်ပြခဲ့ကြတယ်။ ဒါပေမဲ့လည်း ထိုင်းပါလီမာန် က ဒီနေ့ဘဲ အမေရိကန်ဒေါ်လာ ၃.၃၅ ဘီလီယံ ( ၁၁၆.၇ ဘီလီယံ ဘတ်) ကိုသာ သုံးစွဲဖို့ အတည်ပြု ပေးခဲ့တယ်။ ထိုင်းပြည်သူတွေ ကို သိအောင်လည်း တရားဝင် ထုတ်ပြန်ကြေညာ ပေးခဲ့တယ်။ ဒီလို လျာထားပြီး စံနစ်တကျ သုံးစွဲမဲ့ အစီအစဉ်တွေမှာ လစာနည်းသူတွေကို ဘတ်ငွေ ၂၀၀၀ (အမေရိကန် ၅၈ ဒေါ်လာ)ထောက်ပံ့ရေး၊ အခမဲ့ ရေ နှင့် လျှပ်စစ်သုံးစွဲနိုင်မှု၊ အခမဲ့ ရထား နှင့် ဘက်စ်ကားများ စီးနင်းနိုင်စေမှု ၊ အခမဲ့ ၁၅ နှစ် ပညာရေးသင်ကြားနိုင်စေမှု နှင့် ငွေကြေး ထောက်ပံ့ပေးမှု တွေပါဝင်ပါတယ်။ အစိုးရတရပ်က သူတို့ပြည်သူတွေရဲ့ အခက်အခဲ၊ အကျပ်အတည်းတွေကို စံနစ်တကျ တာဝန်သိသိ လုပ်ဆောင်နေတဲ့ သုံးစွဲမှုအစီအစဉ်တွေပါ။ ထိုင်းနိုင်ငံ မှာ အလုပ်လုပ်နိုင်သူ ၃၇.၆ မီလီယံရှိတဲ့ အပြင် တရားမ၀င် ၀င်ရောက် လုပ်ကိုင် နေသူတွေဟာ ၅ သန်းကျော်ရှိ နေပါတယ်။ ထိုင်းနိုင်ငံ မှာ ၂၀၀၈ ခုနှစ် ပထမ ကိုးလပတ် အတွင်း ထိုင်းလူမျိုး ၅၃၀,၀၀၀ အလုပ်လက်မဲ့ဖြစ်ခဲ့ပြီး၊ ၂၀၀၉ ခုနှစ်မှာ ၉၀၀,၀၀၀ ကျော်ရှိလာ လိမ့်မယ်လို့ ထိုင်းအစိုးရရဲ့ အမျိုးသားစီးပွားရေးနှင့် လူ့အဖွဲ့အစည်း ဖွံ့ဖြိုးတိုးတက်မှုဌာန က ကြေညာခဲ့ ပါတယ်။ ဒါပေမဲ့လည်း ထိုင်းနိုင်ငံမှာ တရားမ၀င်လုပ်ကိုင်နေတဲ့ သူတွေ သန်းနဲ့ချီ အလုပ်လုပ် ကိုင်နေတာကြောင့် ထိုင်းလူမျိုးတွေ အလုပ်အကိုင်တွေရရှိနိုင်ဖို့အတွက် အခွင့်အလမ်းတွေ ဖန်တီပေးသင့်ကြောင်း ထိုင်းစီးပွားရေးပညာရှင်တွေနဲ့ အတိုက်အခံ နိုင်ငံရေးခေါင်းဆောင် တချို့က သတိပေးပြောဆိုနေပါတယ်။


Rest of your post