အရည်အချင်း အဓိက ရွေးချယ်ပါ NLD

-မြတ်စိုး-
၁၂.၁၉.၂၀၀၉
မဇ္ဈိမ

မြန်မာနိုင်ငံမှာ အင်အားအကောင်းဆုံး ပါတီ ဖြစ်တဲ့ အမျိုးသား ဒီမိုကရေစီ အဖွဲ့ချုပ် (NLD) မှာ လက်ရှိ အနှစ် ၂၀ ကျော်ကြာ တာဝန်ထမ်းဆောင်ခဲ့ကြတဲ့ ပါတီထိပ်တန်း ခေါင်းဆောင်များက ခေါင်းဆောင်မှု အပြောင်းအလဲ ပြုလုပ်ဖို့ ဆုံးဖြတ်ချက်ချခဲ့တာဟာ မှန်ကန်တဲ့သင့်လျှော်တဲ့ လုပ်ရပ်ဖြစ်ပါတယ်။

ပါတီ သွေးသစ်လောင်းမှု လို့ခေါ်ခေါ်၊ မျိုးဆက်သစ် လူငယ်များကို စိတ်ချ ယုံကြည်မှုရှိရှိ လက်ဆင့်ကမ်း ပုခုံးပြောင်း တာဝန်ပေးမှု လို့ပဲခေါ်ခေါ် ဒီဆုံးဖြတ်ချက်က အရေးပါပါတယ်။

ဒီနေရာမှာ အသက်အရွယ်ကြီးရင့် လာကြပြီဖြစ်တဲ့ ပါတီထိပ်တန်း ခေါင်းဆောင်များဟာ ပါတီကို အနှစ် ၂၀ ကျော် ဘက်ပေါင်းစုံက ဝိုင်းဝန်း တိုက်ခိုက်နေသည့်ကြားမှ မှန်ကန်တဲ့ လမ်းကြောင်းပေါ်မှာရှိအောင် ထိန်းသိမ်း ပေးထားနိုင်ခဲ့သလို၊ အနာဂတ် ခေါင်းဆောင်မှုသစ် အောက်မှာလည်း ပါတီကို ဆက်လက်ရှင်သန် အောင် တာဝန် ထမ်းဆောင်ရေးဟာလည်း ကြီးမားတဲ့ စိန်ခေါ်မှုကြီးတခု ဖြစ်ပါတယ်။

လူကြီးပိုင်းများက တာဝန်ကျေခဲ့သလို NLD မျိုးဆက်သစ် ခေါင်းဆောင်များ တာဝန်ကျေရတော့မည့် အချိန်အခါ ဖြစ်ပါတယ်။

ဒီတော့ တာဝန်နဲ့ ထိုက်တန်အောင် အသင့်အနေအထား ပြင်ဆင်မှုများကို ပြုလုပ် ကြရတော့မှာပါ။ အရည်အချင်းရှိတဲ့ လူငယ်များ အနေဖြင့် နောက်ကွယ် မှာနေမည့်အစား၊ ယှဉ်ပြိုင် အရွေးချယ်ခံလိုသူများဟာ မိမိတို့ ကိုယ်တိုင် ရဲရဲဝံ့ဝံ့ရှေ့ထွက်ကာ လက်ရှိပါတီ ထိပ်တန်း ခေါင်းဆောင်များထံသို့ အမည်စာရင်း တင်သွင်း သင့်ပါတယ်။ မူဝါဒများချပြပြီး ပါတီအတွင်း မဲဆွယ် စည်းရုံးသင့်တယ်။

သို့ပေသော်ငြားလည်း လောလောဆယ် ပါတီ ခေါင်းဆောင်သစ်များကို ရွေးချယ်မှု အပိုင်းမှာ အခက်အခဲများစွာ ရှိနေပေမယ်ဆိုတာကို သိပါတယ်။

NLD ပြန်ကြားရေး တာဝန်ခံ ဦးခင်မောင်ဆွေက လက်ရှိ CEC အဖွဲ့အား ပြန်လည်ဖွဲ့စည်းမည် ဆိုရင် အောက်ခြေမှ ပါတီဝင်တွေကနေ ရွေးကောက်တင်မြှောက်ခြင်းနှင့် ဗဟိုအဆင့်ကနေပြီး ရွေးချယ် ယာယီ တာဝန်ပေးခြင်းဟု နှစ်မျိုးရှိကြောင်း၊ ယခု လက်ရှိအခြေ အနေတွင် အောက်ခြေမှ ရွေးချယ်တင်မြှောက်ခြင်းသည် မဖြစ်နိုင်ကြောင်း ပြောကြားထားသည်။

သူပြောတာကို ငြင်းဖို့ရာ ခက်ပါတယ်။ တဖက်က အတိုက်အခံ အင်အားကို မျက်ခြေမပြတ် စောင့်ကြည့် လေ့လာပြီး နည်းမျုိးစုံသုံး ဖြိုခွဲခဲ့တဲ့ အောက်မှာ နေခဲ့ရတဲ့ ခါးသီးတဲ့ အတွေ့အကြုံက ရှိနေပါတယ်။

အခက်အခဲများအရ မည်သို့ပင် ရွေးချယ်စေမှု အရည်အချင်းရှိသော ခေါင်းဆောင်သစ်များ ပေါ်ပေါက်လာရေးသည် ပဓာန ကျပါတယ်။ မြန်မာ့ နိုင်ငံရေး ထုံးတမ်းစဉ်လာအရ ခေါင်းဆောင် ရွေးချယ်မှုပိုင်းကို စီးပွားရေး ရှူ့ထောင့်ဖြင့် ကြည့်လျှင် Inputs ကိုသာ ဦးစားပေး ကြည့်လေ့ ရှိကြသည်။

ဆိုလိုသည်မှာ ဘယ်သူ့သားသမီး (သို့) ဆွေမျိုး၊ နိုင်ငံရေး အကျဉ်းသားဟောင်း၊ အရာရှိဟောင်း စသည်ဖြင့် စသဖြင့် မိန်ရာဟင်းကောင်း၊ ခင်ရာဆွေမျိုး စကားပုံလို ကြည့်ပြီးဆုံးဖြတ်လေ့ ရှိကြသည်။ Outputs/ Results လို့ခေါ်သည့် ရလာဒ်ထွက်ပေါ်မှု၊ အောင်မြင်ခဲ့မှု၊ လုပ်ဆောင်နိုင်မှု အရည်အချင်းကိုကြည့်ပြီး ရွေးချယ်မှု အားနည်းတတ်သည်။ အရည်အချင်း ရှိသော မှန်မှန်ကန်ကန် ခေါင်းဆောင်မှုမျိုး ပေါ်ပေါက်ဖို့ ဆုံးဖြတ်ရွေးချယ် ပေးသင့်ပါသည်။

NLD ထိပ်တန်းခေါင်းဆောင်များအနေဖြင့် ဆယ်စုနှစ် ၂ ခုအတွင်း ပြည်တွင်းပြည်ပ၌ ကြုံတွေ့ခဲ့မှုများ၊ မှားယွင်းခဲ့မှုများကို သင်ခန်းစာ ယူသင့်ပါသည်။

ပါတီရဲ့ ခေါင်းဆောင်များဟာ နိုင်ငံတကာ သံတမန်များ၊ ခေါင်းဆောင်များနှင့် ထိတွေ့ ဆက်ဆံကြရမှာမို့ တက်ကြွမှုရှိနေယုံဖြင့် မလုံလောက်ပါ။ နိုင်ငံရေး၊ စီးပွားရေး၊ သံတမန် ဆက်ဆံရေး၊ လူထုဆက်ဆံရေးများ ၌ပါ အရည်အချင်းများ ရှိကြရပါလိမ့်မည်။

တနည်းအားဖြင့် အမြင် ကျယ်ကျယ်ပြန့်ပြန့် ရှိရန်ကို ဆိုလိုခြင်း ဖြစ်သည်။ အများ ပြည်သူ၏ လေးစား ယုံကြည်မှု ရှိဖို့လည်း လိုပါသည်။ အရည်အချင်းရှိရှိဖြင့် မှန်ကန်စွာတွေးခေါ်ပါမှ အချိန်အခါ အခြေအနေ နှင့် လိုက်လျောညီစွာ ပြုပြင် ပြောင်းလဲနိုင်ပေလိမ့်မည်။ မှန်ကန်သော လုပ်ဆောင်မှုများ၊ ဆုံးဖြတ်ချက်များ နှင့် မူဝါဒများ ကို ချမှတ်နိုင် ပေလိမ့်မည်။

NLD ဝင်များ၊ မျိုးဆက်သစ်များ အနေဖြင့် အောင်မြင်ခြင်း တံခါးကို တွန်းဖွင့်ကြဖို့ မှန်ကန်သော ခေါင်းဆောင်မှု ရွေးချယ်ပေးဖို့ လိုပေသည်။ NLD ၏ အနာဂတ် သည် NLD အဖွဲ့ဝင်များ ရွေးချယ်ပေးမည့် ခေါင်းဆောင်မှုအသစ် အပေါ်တွင်သာ မှုတည်နေသည်။


Rest of your post